د معمار وحدت د خبری آژانس د خبر له مخې؛ په كابل كې د ايران د اسلامي جمهوريت د سفارت مرستيال سيد حسن مرتضوي د افغانستان شمال ته د خپل سفر په ترڅ كې د بلخ ولايت مركز مزارشريف ته ننوتل.
ښاغلي مرتضوي زیاته کړه، چې ایران لا هم د افغانستان له خلکو سره دی او د دغه هېواد له خاورې به افغانستان ته هېڅ ګواښ نه وي.
هغه چې مزارشريف ته د سفر لپاره تللی، وايي چې تهران د افغانستان له خلکو سره هر څومره چې امکان لري مرسته کوي.
مرتضوي په دغه سفر کې د افغانستان د شمالي ولایت بلخ د والي سره د طالبانو د موقت حکومت له نوي والي داوود مزمل سره هم وکتل.
د ايران د اسلامي جمهوريت د سفارت مرستيال د بلخ ولايت تجارتي، اقتصادي، علمي او فرهنګي ظرفيتونو ته په اشارې سره وويل، د ټولو وروستیو کلونو او میاشتو په شان د ایران اسلامی جمهوریت چمتو دی چې په دغه ولایت کښې د زیربناو د پراختیا او ملاتړ لپاره مرستې او پانګونې وکړی.
نوموړي په مزارشريف ښار کې د حضرت علي (ع) له زيارت څخه تر ليدنې وروسته د دغه زيارت لپاره د افغانستان د سرپرست حکومت له خوا ټاکل شوي نوي معتمدينو سره وکتل.
په كابل كې د ايران د اسلامي جمهوريت د سفارت چارواكي په تېرو څو ورځو كې د افغانستان شمال ته د خپل سفر په ترڅ كې سرپل ولايت ته ولاړل او بيا مزارشريف ته ولاړل.
