امریکا بېرته بګرام ته راګرځي؛ ټرمپ: بګرام ژر غواړم

د معمار خبری آژانس د راپور له مخې، ډونالډ ټرمپ، د امریکا متحده ایالتونو ولسمشر د شنبې ماښام (د سپتمبر ۲۰مه) په خپلو خبرو کې ویلي: «زه بګرام ژر تر ژره غواړم، که طالبان یې ونه مني تاسو پوهیږئ چې زه به څه وکړم.» ټرمپ زیاته کړې چې واشنګټن دا مهال له طالبانو سره د دې موضوع په اړه په خبرو بوخت دی. هغه د طالبانو په اړه د خبرو کولو پر مهال د افغانستان نوم یادوي. یاده دې وي، ټرمپ تر دې وړاندې په خپله ټولنیزه شبکه کې لیکلي وو، که طالبان بګرام ونه سپاري، بدې پېښې به رامنځته سي. په ورته وخت کې، د امریکا دفاع وزارت (پنتاګون) ویلي، د ټرمپ د هر ډول امر د پلي کېدو لپاره چمتو دی. خو طالبانو په نرم لحن غبرګون ښودلی او د بګرام په اړه یې هر ډول معامله رد کړې ده.