به گزارش خبرگزاری معمار؛ وزارت ترانسپورت تاجیکستان و آژانس همکاری بین المللی کره جنوبی(KOICA) پروتکلی را به امضا رسانده اند که براساس آن خط آهن تاجیکستان تا مرز افغانستان امتداد یابد.
براساس توافقنامه جدید امضا شده بین تاجیکستان و کره جنوبی، تاجیکستان در حال توسعه خط آهن تا مرز افغانستان است.
«عظیم ابراهیم، وزیر ترانسپورت تاجیکستان هدف اصلی این پروژه را دسترسی به بازارهای کشورهای جنوب آسیا (افغانستان، پاکستان، هند) اعلام کرد.
طول این خط آهن تا مرز افغانستان تقریباً ۵۱ کیلومتر خواهد بود و در مدت سه‌سال با هزینه چهار میلیون دالر ساخته می‌شود.
این راه‌آهن بخشی از پروژه راه آهن ترکمنستان – افغانستان – تاجیکستان (TAT) است که در جريان نشست سه جانبه روسای جمهور سه کشور در ۲۰ مارس ۲۰۱۳ در پایتخت ترکمنستان به امضا رسید. انتظار می‌رود این راه آهن شهر «آقینه-اندخوی» در افغانستان را به «آتامورات-یمانظر» در ترکمنستان و «پنج» در تاجیکستان متصل کند.
