به گزارش خبرگزاری معمار؛ یازدهمین نشست امنیتی هرات، با عنوان «بازخوانی افغانستان؛ راهکارهای متفاوت»، فردا (دوشنبه، ۶ قوس) در شهر دوشنبه، پایتخت تاجیکستان، آغاز می‌شود.
این نشست تا دو روز ادامه خواهد داشت و نماینده‌گانی از کشورهای مختلف آسیایی در آن شرکت خواهند کرد.
امیر اسماعیل خان، رهبر پیشین جهادی، نیز از جمله مهمانان دعوت شده به این نشست است.
در این نشست، قرار است وضعیت امنیتی افغانستان و منطقه، تشکیل دولت فراگیر و وضعیت حقوق بشر در افغانستان مورد بحث قرار گیرد.
پیش از تسلط طالبان بر افغانستان، این نشست همه‌ساله در داخل کشور برگزار می‌شد.
دهمین نشست امنیتی هرات نیز سال گذشته در تاجیکستان برگزار شد و در آن نزدیک به ۲۰۰ اشتراک‌کننده از اروپا، امریکا و آسیا بر تشکیل دولت مشارکتی موقت و رعایت حقوق بشر به‌ویژه حقوق زنان در افغانستان تأکید کردند.
