وزارت خارجه طالبان اعلام کرد که برای سفارت این کشور در تاجیکستان دیپلمات‌هایی را اعزام خواهد کرد.
به گزارش خبرگزاری معمار؛ وزارت خارجه طالبان طی مکتوبی «فیض الله» را به عنوان دبیر اول سفارت این کشور در تاجیکستان تعیین کرده است.
در این مکتوب آمده است که حکومت کابل متعهد شده است تا شش ماه معوقه کارمندان سفارت افغانستان در تاجیکستان را نیز پرداخت کند.
وزارت خارجه طالبان در این مکتوب از سفارت افغانستان خواسته است تا موضوع تقرر دیپلومات جدید را به حکومت تاجیکستان اطلاع دهد.
تاجیکستان رابطه نزدیکی با برخی مخالفان طالبان دارد. سفیر حکومت پیشین افغانستان در دوشنبه بارها علیه مقامات کنونی کابل موضع گرفته است.
با این حال، حکومت کنونی افغانستان از سوی تاجیکستان به رسمیت شناخته نشده است اما قصد دارد با اعزام دیپلمات به حضور در این کشور رسمیت دهد.
هنوز مشخص نیست که در صورت همکاری سفارت افغانستان در دوشنبه، دولت تاجیکستان دیپلمات طالبان را بپذیرد.
