رئیس توسعه سازمان همکاری شانگهای اظهار داشت بی‌ثباتی سیاسی در افغانستان بسیار زیاد است، اما روسیه و چین مراقب مرزها هستند.
ولادیمیر اوسیف، رئیس بخش ادغام اوراسیا و توسعه سازمان همکاری شانگهای توضیح داد بی‌ثباتی سیاسی در افغانستان بسیار زیاد است، اما روسیه سربازان تاجیکستان را آموزش می‌دهد و تسلیحات لازم را هم تامین می‌کند.
او در مصاحبه با بخش تاجیکستان اسپوتینک گفت که چین هم به نیروهای مرزی تاجیکستان کمک می‌کند تا با کنترول مرزها ثبات را حفظ کنند.
ولادیمیر اوسیف می‌گوید روسیه و چین سهم بزرگی در تامین امنیت مرزهای تاجیکستان دارند.
به گفته او، تهدیدات بالقوه‌ای از افغانستان وجود دارد. او به عنوان مثال گفت که مقدار زیادی مواد مخدر از افغانستان وارد تاجیکستان می‌شود.
ولادیمیر اوسیف تاکید کرد که طالبان در عمل با قاچاق مواد مخدر مبارزه نمی‌کنند.
باید یاد آور شد امامعلی رحمان، رئیس‌جمهور تاجیکستان به منظور تقویت امنیت مرزهای این کشور، روز سه‌شنبه (۲۴ اسد) با حضور در منطقه‌ای نزدیک به افغانستان، چندین پاسگاه جدید مرزی را افتتاح کرد.
