در دومین نشست سران اتحادیه اروپا و آسیای مرکزی، نمایندگان کشورهای تاجیکستان، ازبکستان و ترکمنستان از جامعه جهانی خواستند تا به وضعیت کنونی افغانستان توجه کنند.
به گزارش خبرگزاری معمار؛ در این نشست، رییس جمهور تاجیکستان، امام‌علی رحمان، تأکید کرد که قلمرو افغانستان، به ویژه ولایت‌های شمالی و شمال‌شرقی، محل پرورش تروریسم بین‌المللی شده است.
امام‌علی رحمان همچنین بیان کرد که افغانستان همچنان یکی از بزرگترین تولیدکنندگان مواد مخدر در جهان است و تحت سلطه طالبان، تولید مواد مخدر چند برابر افزایش یافته است.
رئیس جمهور تاجیکستان نیز از جامعه جهانی خواست تا برای تقویت مرزهای خود با افغانستان، کمک‌هایشان را افزایش دهند. این گفته ها در حالی مطرح شد که تاجیکستان، پس از تهدیدهای فزاینده از سوی افغانستان، دو پاسگاه جدید امنیتی در مرز افغانستان را تأسیس کرده است.
