به گزارش خبرگزاری معمار، سفارت افغانستان در تاجیکستان روز پنجشنبه مراسم ویژهای را برای بزرگداشت خدمات انساندوستانه تیتسو ناکامورا برگزار کرد.
این سفارت در اعلامیهای افزود که ناکامورا با تلاش و عشق به مردم افغانستان، هزاران جریب زمین خشک و بیحاصل را در ولایت ننگرهار احیا کرده و زندگی هزاران خانواده را دگرگون ساخته است. در این مراسم، فلمها و مستندهایی از فعالیتهای بشردوستانه ناکامورا به نمایش گذاشته شد.
محمد ظاهر اغبر، سفیر حکومت پیشین افغانستان در تاجیکستان، در سخنرانی خود گفت: «مردم افغانستان هرگز خدمات این مرد بزرگ را فراموش نخواهند کرد. ناکامورا در قلب میلیونها افغان جای دارد.»
به پاس خدمات ناکامورا، سفارت افغانستان مدال افتخار و تقدیرنامه ویژهای را به سفیر جاپان در تاجیکستان سپرد تا به خانواده این پزشک اهدا شود. سفارت هدف از این اقدام را رساندن پیام قدردانی مردم افغانستان به خانواده ناکامورا اعلام کرد.
سفیر جاپان نیز تأکید کرد که کشورش همچنان در کنار مردم افغانستان در مسیر کمکهای بشردوستانه ایستاده است.
