وزیر خارجه روسیه در سفر خود به تاجیکستان، خواستار تضمین حقوق تمامی مردم افغانستان به ویژه تاجیک‌ها شده و گفت که تا زمانی که طالبان به تعهدات خود عمل نکند، نمی‌توان درباره رسمیت آنها صحبت کرد.
به گزارش خبرگزاری معمار؛ سرگئی لاوروف، وزیر خارجه روسیه با تأکید بر تشکیل حکومت فراگیر و تشدید اقدامات برای مبارزه با تروریسم و قاچاق مواد مخدر در افغانستان، از نمایندگان طالبان خواست تا به تعهدات خود عمل کنند.
وزیر خارجه روسیه در دیدار و گفت‌وگو با رئیس‌جمهور و وزیر خارجه تاجیکستان نیز حضور داشته و در مورد تمرینات نظامی نیروهای دو کشور در تاجیکستان و اقداماتی برای تقویت حفاظت از مرزهای جنوبی تاجیکستان صحبت کرد.
همچنین او با اشاره به تهدید مرزهای تاجیکستان از طرف افغانستان، از اهمیت حفظ امنیت در این منطقه یاد کرد و خواستار گفت‌وگوی کاری با طالبان برای تحقق تعهدات‌شان و آشتی ملی در افغانستان شد.
