سخنگوی حکومت سرپرست افغانستان در پاسخ به هشدار رییس‌جمهور تاجیکستان در مورد خطر تروریسم بین‌المللی در ولایت‌های شمالی افغانستان، این ادعا را بی‌اساس خوانده و خواستار گفتگو با تاجیکستان شده است.
به گزارش خبرگزاری معمار؛ ذبیح‌الله مجاهد، سخنگوی طالبان، در واکنش به گفته‌های رییس‌جمهور تاجیکستان،امروز (شنبه، ۱۳ جوزا) گفت: «رؤسای جمهور کشورها، نباید در این مسٔله دامن بزنند ما خواهان گفتگو با آن‌ها استیم و به آن‌ها اطمینان می‌دهیم که استراتژی امارت، هم همین است که به هیچ کشور زیان وارد نمی‌شود.»
مجاهد بیان کرده است که تشکیل حکومت فراگیر و تأمین حقوق زنان موضوع داخلی افغانستان محسوب می‌شود و کشورهای منطقه و جهان نباید به آن دخالت کنند.
در دومین نشست سران آسیای میانه و کشورهای اتحادیه‌ی اروپا، شرکت‌کنندگان نیز بر تشکیل حکومت فراگیر، تأمین حقوق زنان و مبارزه با تروریزم در افغانستان تأکید کردند.
