به گزارش خبرگزاری معمار؛احسان الله کامگار، سخنگوی پولیس طالبان در بدخشان، گزارش مرزبانان تاجیکستان مبنی بر کشتهشدن چهار تروریست در درگیریهای مرزی با افغانستان را رد کرد.
احسان الله کامگار، ادعای تاجیکستان را تکذیب و اظهار داشت که در این حادثه سه نفر از ساکنان محلّی ولایت بدخشان که قاچاقچی مواد مخدر بودند، در درگیری با مرزبانان تاجیک کشته شدند. وی تأکید کرد این افراد هنگام عبور غیرقانونی از مرز با نیروهای تاجیک درگیر شدند.
پیش از این، نیروهای مرزبانی تاجیکستان وابسته به کمیته دولتی امنیت ملی این کشور گزارش داده بودند که چهار فرد مسلح وابسته به یک سازمان تروریستی که به طور غیرقانونی از مرز افغانستان عبور کرده بودند، در درگیری با مرزبانان کشته شدند.
ذبیحالله مجاهد، دیگر سخنگوی حکومت طالبان نیز روز گذشته با اشاره به ادامه تحقیقات درباره این حادثه مرزی گفته بود: «افغانستان اجازه نمیدهد تروریستها با عبور از خاک این کشور مرز تاجیکستان را ناامن کنند.»
