به گزارش خبرگزاری معمار، ریاست معارف طالبان در ولایت هرات در مکتوبی رسمی تجلیل از روز جهانی معلم را در تمامی مکاتب این ولایت ممنوع اعلام کرده است.
در این مکتوب که به تاریخ اخیر صادر شده، به تمامی مکاتب دولتی و خصوصی دستور داده شده تا از برگزاری هرگونه مراسم یا برنامه مرتبط با روز معلم خودداری کنند.
روز یک‌شنبه،سیزدهم میزان، در تقویم بین‌المللی به عنوان روز جهانی معلم شناخته می‌شود، اما طالبان در ولایت هرات دستور به توقف کامل مراسم‌های مرتبط با این روز داده‌اند.
این تصمیم در حالی گرفته می‌شود که پیش از این، در بسیاری از مکاتب افغانستان، روز معلم به عنوان فرصتی برای قدردانی از مقام معلم و تجلیل از تلاش‌های آنان برگزار می‌شد و شاگردان با اهدای گل و هدایای سمبولیک از معلمین خود قدردانی می‌کردند.
