معاون سخنگوی حکومت طالبان در واکنش به ادعاهای پاکستان مبنی بر تهدیدات هراس‌افکنی ناشی از خاک افغانستان می‌گوید که کابل به هیچ گروه نظامی در افغانستان اجازه فعالیت نخواهد داد.
به گزارش خبرگزاری معمار، حمدالله فطرت، معاون سخنگوی حکومت طالبان به رسانه‌ها گفته است که هیچ نوع تهدیدی در برابر کشورهای جهان و منطقه در افغانستان وجود ندارد.
آقای فطرت افزوده که حکومت طالبان به هیچ گروه نظامی در افغانستان اجازه فعالیت نمی‌دهد.
گفتنی است آصف علی درانی، نماینده ویژه پاکستان برای افغانستان روز گذشته طی نشستی در اسلام آباد ادعا کرد که تهدیدهای هراس‌افکنی برخاسته از افغانستان، پنج کشور همسایه شامل پاکستان، چین، ایران، تاجیکستان و اوزبیکستان را نگران کرده است.
