صدراعظم ازبیکستان امروز شنبه، ۲۷ اسد وارد کابل شد
به گزارش خبرگزاری معمار، طیاره حامل عبدالله عارفوف، صدراعظم ازبیکستان، امروز در میدان هوایی کابل به زمین نشست.
عبدالسلام حنفی، معاون اداری رئیس الوزرا و نورالدین عزیزی، سرپرست وزارت صنعت و تجارت حکومت طالبان از صدراعظم ازبیکستان در میدان هوایی کابل استقبال کردند.
وزارت صنعت و تجارت طالبان در بیانیه‌ای اعلام کرد که هدف از سفر عارفوف به کابل، اشتراک در نشست دوجانبه و تواصل تجاری میان افغانستان و ازبیکستان و افتتاح نمایشگاه محصولات آن کشور می‌باشد.
گفتنی است این اولین سفر صدراعظم ازبیکستان به کابل پس از روی کار آمدن دوباره حکومت طالبان در افغانستان است.
ازبیکستان هرچند حکومت طالبان را به رسمیت نمی‌شناسد ولی در سه سال حکومت این گروه بر افغانستان، روابط نسبتا گرمی با کابل داشته است.
