به گزارش خبرگزاری معمار ؛ پس از آنکه سفیر افغانستان در تاجیکستان معرفینامه یک دیپلومات طالبان را پاره کرد ضیا احمد تکل، معاون سخنگوی وزارت خارجه طالبان روز پنجشنبه (۱۸ عقرب) با نشر ویدیویی از نقیبالله دهقانزاده، در شبکه اجتماعی اکس نوشت که قنسولگری افغانستان در شهر خاروغ زیر نظر این گروه کار می کند.
نقیبالله دهقانزاده، سرپرست قنسولگری افغانستان در خاروغ، در واکنش به سخنان ظاهر اغبر، سفیر افغانستان در تاجیکستان، اظهارات وی را «غیر مسئولانه و عاری از حقیقت» دانست. او تصریح کرد که «قنسولگری افغانستان مقیم خاروغ تاجیکستان مستقیما تحت حمایت وزارت خارجه طالبان است و مطابق به اصول و صلاحیتهای قانونی خود فعالیت میکند.»
دهقانزاده مدعی است که پس از سقوط جمهوریت، دامنه فعالیت های این نمایندگی برای خدماتی همچون صدور پاسپورت و صدور ویزا برای افغانهای مقیم تاجیکستان گسترش یافته است. او اذعان کرد که در بخشهای ترانزیت، تجارت، مسایل مرزی، زندانیان حقوقی و جنایی با مقامات جمهوری تاجیکستان هماهنگی وجود دارد.
