به گزارش خبرگزاری معمار، مراسم قرعه‌کشی رقابت‌های قهرمانی فوتبال زیر ۲۰ سال کافا روز گذشته در شهر دوشنبه، پایتخت تاجیکستان برگزار گردید. در این مراسم، شش تیم حاضر حریفان خود را شناختند.
تیم ملی فوتبال زیر ۲۰ سال افغانستان در گروه (A) با تیم‌های میزبان تاجیکستان و قرقیزستان هم‌گروه شده است. این گروه به عنوان یکی از گروه‌های رقابتی و چالش‌برانگیز شناخته می‌شود.
پیش از این، بازیکنان تیم ملی زیر ۲۰ سال افغانستان از برگزاری جلسات تمرینی منظم و آمادگی کامل برای حضور در این مسابقات خبر داده‌اند.
در این رقابت‌ها، شش تیم از کشورهای افغانستان، ایران، تاجیکستان، قرقیزستان، ازبکستان و ترکمنستان شرکت دارند که از فردا به میزبانی تاجیکستان آغاز می‌شود.
این مسابقات فرصتی مناسب برای جوانان فوتبال افغانستان است تا توانایی‌های خود را در سطح منطقه‌ای نشان دهند و تجربیات ارزشمندی کسب کنند.
