ذبیح الله مجاهد، سخنگوی طالبان اعلام کرد ملا هبت‌الله آخوندزاده، رهبر گروه طالبان، طی فرمانی تعیینات جدیدی را در برخی ولایات انجام داده است.
ذبیح‌الله مجاهد، سخنگوی گروه طالبان، بامداد امروز پنج‌شنبه (۱۴ جدی) در صفحه توییتر خود نوشت که به اساس حکم ملا هبت‌الله آخوندزاده، رهبر این گروه، مولوی غوث‌الدین رهبر، فرمانده سابق لواء، به عنوان والی ولایت فراه، عبدالرازق، شاروال سابق ولایت هرات، به عنوان فرمانده امنیت ولایت بلخ، ملا عبدالظاهر مدثر، فرمانده سابق بلخ، به عنوان فرمانده امنیت ولایت نیمروز، ملا نعمت‌الله حسن، شاروال سابق قندهار، به عنوان شاروال ولایت هرات، ملا حکمت‌الله، مستوفی سابق ولایت قندهار، به عنوان شاروال این ولایت و حافظ نور احمد سعید، رئیس سابق اطلاعات و فرهنگ ولایت قندهار، به عنوان مستوفی ولایت قندهار تعیین شدند.
