به گزارش خبرگزاری معمار، وزارت مهاجران و بازگشت‌کنندگان امروز شنبه، ۱۰ جوزا اعلام کرد که تاجیکستان در روزهای ۷ و ۸ جوزا، ۴۹ شهروند افغان را اخراج کرده است. این افراد از طریق گذرگاه مرزی شیرخان‌بندر در ولایت کندز وارد افغانستان شدند.
به گفته آمریت سرحدی شیرخان‌بندر، ۳۶ نفر از اخراج‌شدگان دارای شناس‌نامه تاجیکستان و ۱۲ نفر دارای ویزا و گذرنامه بودند.
با این حال، دلایل اخراج این افراد که مدارک اقامت قانونی داشتند، هنوز از سوی دولت تاجیکستان مشخص نشده است.
وزارت مهاجران طالبان اعلام کرد که بازگشت‌کنندگان پس از ثبت‌نام، کمک‌های بشردوستانه دریافت کرده‌اند. این افراد به شهرها و ولسوالی‌های اصلی خود منتقل شده‌اند تا روند بازگشت آن‌ها تسهیل شود.
کمیساریای عالی سازمان ملل در امور پناهندگان پیش‌تر از تاجیکستان خواسته بود که اخراج مهاجران افغان را متوقف کند.
بر اساس آمار این سازمان، تا پایان سال ۲۰۲۴، حدود ۹ هزار مهاجر افغان در تاجیکستان اقامت داشتند.
