دفتر مطبوعاتی ریاستجمهوری تاجیکستان روز دوشنبه تأیید کرده است که در دو حملهای که طی هفته گذشته از سوی قلمرو افغانستان انجام شده، پنج نفر جان باخته و پنج تن دیگر زخمی شدهاند. امامعلی رحمان، رئیسجمهور تاجیکستان، به نهادهای امنیتی دستور داده است تا وضعیت مرزی را بررسی کرده و راههای تقویت امنیت در این مناطق را مشخص کنند.
در این بیانیه که روز دوشنبه، ۱۰ قوس، منتشر شد، آمده است که امامعلی رحمان، رئیسجمهور تاجیکستان، در نشستی با مقامهای امنیتی، وضعیت مرزهای جنوبی کشورش را مورد بررسی قرار داده و این رویدادها را «غیرقانونی و تحریکآمیز» توصیف کرده است.
رییس جمهور تاجیکستان «اقدامات غیرقانونی و تحریکآمیز شهروندان افغانستان» را بهشدت محکوم کرده و خواستار اتخاذ تدابیر مؤثر برای جلوگیری از تکرار چنین رویدادهایی شده است.
رحمان دستور داده است که نهادهای مسئول برای جلوگیری از تکرار چنین حوادثی، تدابیر مؤثر و پیشگیرانه اتخاذ کنند.با این حال، ریاستجمهوری تاجیکستان در مورد هویت قربانیان و زمان دقیق رویدادها جزئیاتی ارائه نکرده است.
این تحولات در حالی رخ میدهد که پیش از این، وزارت خارجه تاجیکستان روز چهارشنبه، ۵ قوس، از کشتهشدن سه کارگر چینی در نتیجه حملهای مسلحانه و پهپادی از خاک افغانستان خبر داده بود.
بر اساس اعلام این وزارت، حمله بر اردوگاه کارمندان شرکت چینی «الالسی شاهین اسام» در منطقه مرزی استقلال واحد «یول» در ولایت ختلان انجام شده است.
در این حمله، از هواپیمای بدون سرنشین حامل نارنجک و سلاح گرم استفاده شده بود.
تنشهای مرزی میان تاجیکستان و افغانستان پس از رویکار آمدن طالبان افزایش یافته و نگرانیها در موردفعالیت گروههای مسلح در مناطق مرزی تشدید شده است
. تاجیکستان از جمله کشورهایی است که بهشدت نسبت به امنیت مرزهای جنوبیاش حساسیت دارد.
