وزارت داخله طالبان اعلام کرده که برای مصئونیت تلفن‌های همراه شهروندان یک «سیستم پیشرفته و منظم الکترونیکی» را ایجاد کرده است.
به گزارش خبرگزاری معمار، عبدالمتین قانع، سخنگوی وزارت داخله طالبان می‌گوید که برای مصئونیت تلفن‌های همراه شهروندان، ریاست «انتک» این وزارت یک سیستم پیشرفته و منظم الکترونیکی را ایجاد کرده است.
آقای قانع می‌افزاید که تاکنون 704 تلفن دزدیده شده شهروندان کشور، از طریق این سیستم پیدا و دوباره به مالکان اصلی آنها سپرده شده است.
به گفته وی، از بیش از یک سال بدینسو روند ثبت تلفن‌های شهروندان کشور در این سیستم جریان دارد.
