ټولنیز

د خوړو نړيوال پروګرام اعلان کړی چې د بشردوستانه مرستو ۴۰ سلنه کمښت به نږدې ۱۳.۷ ميليونه انسانان د قحطۍ تر پولو ورسوي، او افغانستان د دغه بحران په سر کې ځای لري.

د ملګرو ملتونو سازمان د طبیعي پېښو د خطر د کمولو د نړېوالې ورځې په مناسبت اعلان کړی چې افغانستان د نړۍ شپږم هېواد دی چې د اقلیمي بدلونونو پر وړاندې ډېر زیان‌منونکی دی.

ریچارد بنت، د رواني روغتیا نړیوالې ورځې په مناسبت ویلي چې افغانستان له يو پراخ رواني روغتيايي بحران سره مخ دی او غوښتنه یې کړې چې د رواني ملاتړ خدمتونو ته، په ځانګړي ډول د افغان ښځو او انجونو لپاره، جدي پاملرنه وسي.

د اسلامي مرستو سازمان د ژمي د رارسېدو په درشل کې اعلان کړی چې د افغانستان د ختیځ ۹۰ سلنه زلزله‌ځپلي لا هم مناسبه سرپناه نه‌لري او په خلاصه فضا کې لاندې ژوند کوي.

د راپورونو له مخې، د میزان ۱۶مه د چهارشنبې په سهار شاوخوا د ۷:۴۹ بجو په وخت، د ننګرهار او کنړ ولایتونو یو شمېر برخې د ۴.۴ ریشتر په کچه زلزلې ولړزولې.

د افغانستان یو شمیر اوسېدونکي وايي چې فېسبوک او انسټاګرام ته لاسرسی، په ځانګړي ډول په کابل او مزارشریف کې، محدود سوی دی.

د ناروی د کډوالو شورا اعلان کړی چې د افغانستان ختیځو سیمو د ۵۰ زرو څخه زیاتو زلزه ځپلو ته یې بیړنۍ مرستې، لکه خېمې، بخارۍ او روغتیایي توکي برابر کړي دي.