په دې برخه کې د سیاسي او امنیتي پرمختګونو، د طالبانو د حکومت په اړه وروستي خبرونه، د سیمې او نړۍ له هیوادونو سره د افغانستان اړیکې، او په افغانستان او د نړۍ په نورو برخو کې د واک او حکومتي جوړښتونو کې د بدلونونو په اړه ځانګړي تحلیلونه ولولئ.
د افغانستان لپاره د ملګرو ملتونو د ښځو ځانګړې استازې د انجونو د نړیوالې ورځې په مناسبت خبرداری ورکړی چې نړیواله ټولنه باید د افغان انجونو یو بشپړ نسل له یاده ونه باسي او باید ترې ملاتړ وکړي.
هبتالله اخندزاده، د طالبانو مشر، په یوه خپور سوې غږیز فایل کې خپلو ځواکونو ته، امر کړی چې د ښار په مرکز او ددې ولایت په بېلابېلو ناحیو کې امنیتي تدابیر زیات کړي.
د طالبانو د دفاع وزارت خبرداری پاکستان ته: تېری به بېځوابه پاتې نه سي
پاکستان په کابل کې د بریدونو سره هم مهاله د پکتیکا ولایت په برمل ولسوالۍ هم هوایې برید کړی دي.
ایس. جی شنکر، له امیرخان متقي سره په لیدنه کې اعلان کړی چې نوې ډهلي خپله دیپلوماتیکه دنده په کابل کې له «تخنیکي ماموریت» څخه د سفارت تر کچې لوړوي. او په افغانستان کې به د همکارۍ او بشري مرستو شپږ نوې پروژې هم پیل کړي.
مولوي نورجلال جلالي، د طالبانو د عامې روغتیا وزیر، د ایران د اسلامي جمهوریت سفیر عليرضا بیکدلي سره په کابل کې وکتل او خبرې ورسره وکړې.
ځايي سرچینو راپور ورکړی چې د افغانستان په څو ولایتونو — قندهار، هلمند، بغلان او بامیان — کې د عادي خلکو لپاره د انټرنېټ خدمات بند یا محدود سوي، خو یوازې دولتي ادارې، بانکونه او صرافۍ انټرنېټ ته لاسرسی لري.
د روسیې او د منځنۍ آسیا د هېوادونو دوهمه غونډه به د پنجشنبې په ورځ، د میزان په ۱۷مه د تاجکستان په پلازمېنه کې د افغانستان او منځني ختیځ د وضعیت په پام کې نیولو سره د سیمهییز امنیت د تضمین تر عنوان لاندې ترسره سي.
حمدالله فطرت، د طالبانو مرستیال ویاند، د امریکا د یرغل په ۲۴مې کلیزې (د ۲۰۰۱ کال د اکتوبر ۷مه) کې دا ورځ د افغانستان د تاریخ «توره ورځ» وبلله او د افغان ولس شل کلن جهاد او مقاومت یې د اشغال پر وړاندې وستایه.
محمد صادق، د پاکستان ځانګړي استازي، د طالبانو د بهرنیو چارو له وزیر امیرخان متقي سره په لیدنه کې د کابل او اسلامآباد تر منځ د اقتصادي، ترانزیټي او امنیتي اړیکو د پیاوړتیا غوښتنه وکړه.
محمد صادق، د افغانستان لپاره د پاکستان ځانګړي استازي، د مسکو فارمټ په غونډه کې د ټولو هغو ترهګرو ډلو د نابودۍ غوښتنه وکړه چې په افغانستان کې فعاله دي.
د ملګرو ملتونو سرمنشي د “ښځې، سوله او امنیت” د امنیت شورا په غونډه کې اعلان وکړ چې په افغانستان کې د ښځو او انجونو منظم لیرې کول د عامه ژوند له ټولو برخو څخه په چټکۍ سره روان دي، او دا بهیر د زدهکړې، کار، روغتیایي پاملرنې او عدالت په برخو کې له سختو محدودیتونو سره مل دی.