د معمار پرس د “افغانستان ټولنیز خبرونه” برخه کې، د افغانستان او نړۍ د خلکو د ورځني ژوند پورې اړوند خورا مهمې پیښې او پرمختګونه پوښي. په دې برخه کې کلتوري مسایل، ټولنیزې ننګونې، د ژوند طرز بدلونونه، د ښځو او ماشومانو حقونه، تعلیم، عامه روغتیا، کډوالۍ، او نور موضوعات چې په افغان ټولنه اغیزه کوي تعقیب کړئ.
د احصائيې او معلوماتو ملي ادارې اعلان کړی چې د بهر مېشتو افغانانو لپاره د تابعيت د تذکرې د صادرولو لګښت راټيټ سوی او کډوال کولای سي د خپل استوګنځي پر بنسټ په نوو نرخونو دغه هويتي سند تر لاسه کړي.
د طالبانو چارواکو اعلان کړی چې د تورخم دروازه د پاکستان له لوري تړل سوې او د دې اقدام دلیل تر اوسه څرګند نه دی. طالبانو له ښاریانو غوښتي چې له دې لارې د سفر کولو څخه ډډه وکړي.
ځايي سرچینې په کندهار کې وایي چې د طالبانو د امر بالمعروف او نهی عن المنکر اداره، د ټولو هغو خیاطیانو فعالیتونه درولي چې د ښځو جامې یې ګنډلې.
د اوچا دفتر اعلان کړی چې د افغانستان په ختیځ کې زرګونه خلک، چې د وروستیو زلزلو له امله زیانمن سوي، بېړنیو مرستو ته اړتیا لري چې پکښې د سرپناه، خوړو، درملو، اوبو او روغتیايي خدمتونه شامل دي.
د طالبانو د اوبو او برېښنا وزارت خبر ورکړی چې عبداللطیف منصور، د دې وزارت وزیر، له یو شمېر بنګلهدېشي عالمانو او پانګهوالو سره لیدنه او خبرې کړې دي.
د خوړو نړېوال پروګرام د افغانستان د بشري ناورین د زیاتېدو په اړه ویلي دي چې شدیده لوږه او خوارځواکی، پرلهپسې وچکالي او د کډوالو بېرته ستنېدل د میلیونونو افغان وګړو ژوند له سخت ګواښ سره مخ کړی دی.
د افغانستان د ښځو چارو لپاره د ملګرو ملتونو ځانګړې استازې خبرداری ورکړی چې ښځې او انجونې د افغانستان ختیځ کې د زلزلې د قربانیانو له نیمایي څخه زیات او د ورک سویو کسانو ۶۰ سلنه جوړوي.
د طالبانو د عدلیې وزارت اعلان کړی چې د دې ډلې د مشر په حکم، د امر بالمعروف او نهی عن المنکر د قانون د تطبیق لپاره د همکارۍ هیأتونه په مرکز کابل او ټولو ولایتونو کې جوړ سوي دي، څو یاد قانون په دولتي ادارو او ټولنیزو بنسټونو کې پلی کړي.
خالد حنفي، څرګنده کړه چې ددې ډلې مخالفین د خدای دښمنان دي او طالبانو ته لازمه نه ده چې د دغو مخالفینو له لوري د لګول سویو بندیزونو څخه ووېرېږي.
د خوړو نړیوال پروګرام اعلان کړی چې د لوږې د ناورین له زیاتېدو سره، نږدې پنځه میلیونه میندې او ماشومان په افغانستان کې د خوارځواکۍ له ستونزې سره مخ دي.
یوناما ټینګار کړی چې زدهکړه د بشر بنسټیز حق دی او د یونیسف او یونسکو سره یوځای به د افغان انجونو ملاتړ ته دوام ورکړي.
د پکتیکا ولایت ځايي سرچینې وایي چې د دې ولایت فایبر نوري انټرنېټ پری سوی او خلک په خپلو ورځنیو چارو او ژوند کې له جدي ستونزو سره مخ دي.