د معمار پرس د “افغانستان ټولنیز خبرونه” برخه کې، د افغانستان او نړۍ د خلکو د ورځني ژوند پورې اړوند خورا مهمې پیښې او پرمختګونه پوښي. په دې برخه کې کلتوري مسایل، ټولنیزې ننګونې، د ژوند طرز بدلونونه، د ښځو او ماشومانو حقونه، تعلیم، عامه روغتیا، کډوالۍ، او نور موضوعات چې په افغان ټولنه اغیزه کوي تعقیب کړئ.
د طالبانو د حکومت د کرنې، اوبو لګونې او مالدارۍ وزارت اعلان کړی چې د ۴.۸ میلیاردو افغانیو په بودجې سره یې یو پنځه کلن پلان تصویب کړی دی، چې موخه یې د بزګرانو لپاره د بدیل عاید رامنځته کول او د خشخاش د کرنې کمول دي.
نصیر احمد فایق د افغانستان په شمال کې د زلزلې د قربانیانو سره همدردي څرګنده کړه او د ملګرو ملتونو، ګاونډیو هېوادونو او د مرستو رسوونکو بنسټونو څخه یې د عاجلو مرستو غوښتنه وکړه.
هند اعلان کړی چې په بلخ او سمنګان کې د زلزلې د زیانمنو کسانو لپاره ۱۵ ټنه خوراکي او درملیزې مرستې لېږي.
د برشنا شرکت اعلان کړی د افغانستان په شمال کې د تېرې شپې زلزلې له امله د ازبکستان او تاجکستان وارداتي برېښنا مزي له مدار څخه وتلي او د هېواد په ګڼو سیمو، په ځانګړي ډول کابل کې، برېښنا پرې سوې ده.
د ملګرو ملتونو استازولۍ په افغانستان کې اعلان کړی چې د دې سازمان د بیړنیو مرستو ډلې د افغانستان شمال کې هغو سیمو ته استول سوې دي چې له وروستۍ زلزلې څخه سختې زیانمنې سوې دي، څو د خلکو اړتیاوې وارزوي او عاجلې مرستې ورسوي.
د افغانستان او پاکستان ترمنځ د تورخم دروازه له درېیو اوونیو زیاتې مودې راهیسې تړلې پاتې سوې ده، او په نتیجه کې یې سلګونه د مالونو بار موټرونه او مسافر په ډېر ستونزمن وضعیت کې بند پاتې دي.
د ملګرو ملتونو د ماشومانو د ملاتړ صندوق اعلان کړی چې دا اداره د اروپا د ټولنې په مالي ملاتړ له هغه پروګرام څخه ملاتړ کوي چې موخه یې په افغانستان کې د ښځینه ښوونکو روزنه، پرمختګ او پیاوړتیا ده.
د طالبانو د عامې روغتیا وزارت اعلان کړی چې د نوې ډهلی له لوري د افغانستان سره د بشري مرستو په دوام کې، د هند حکومت له ۱۶ ټُنو څخه ډېر درمل او طبي وسایل د ساري ناروغیو د مخنیوي په موخه کابل ته لېږلي دي.
د آریانا افغان هوايي شرکت اعلان وکړ چې د یکشنبې له ورځې به د قندهار او دوبۍ ترمنځ مستقیم پروازونه پيل سي، او دغه پروازونه به هره اونۍ یو ځل ترسره کېږي.
یو شمېر سوداګرو او د بار وړونکو موټرو چلوونکو د چهارشنبه په ورځ (د لړم ۷مه) د تورخم بندر ته نږدې د لنډي کوتل په بازار کې لاریون وکړ او د پاکستان له حکومته یې وغوښتل چې دا مهم سوداګریز بندر ژر تر ژره پرانیزي.
د ملګرو ملتونو په سازمان کې د کاناډا استازولۍ د افغان ولس، په ځانګړې توګه د ښځو او انجونو، له قاطع ملاتړه ټینګار کړی او ویلي یې دي چې دا هېواد به له نړیوالې ټولنې سره یوځای د افغانستان د بشري حقونو وضعیت او روان انساني بحران ته د نړیوال پام رااړولو لپاره هڅې جاري وساتي.
د طالبانو د کورنیو چارو وزارت د مخدره موادو پر ضد د مبارزې مرستیال او د ملګرو ملتونو د سیاسي څانګې رئیس ترمنځ د لیدنې پر مهال، دواړو خواوو د کښت، قاچاق او د روږدو درملنې په برخه کې د ګډو هڅو او همکاریو پر پیاوړتیا ټینګار وکړ.