د طالبانو د روغتیايي پالیسیو په اړه خبرونه، په مختلفو ولایتونو کې د روغتونونو او طبي مرکزونو د وضعیت په اړه راپورونه، طبي کړکېچونو، د درملو کمښت، د روغتونونو او طبي خدماتو وضعیت، او په افغانستان کې د روغتیا او طبي مسلو جامع پوښښ.
د طالبانو د عامې روغتیا سرپرست وزیر د سعودي عربستان سفر پر مهال د دغه هېواد او د پاکستان د روغتیا له وزیرانو سره د افغانستان په کچه د پولیو ناروغۍ د له منځه وړلو او د پراخو روغتیایي همکاریو په اړه خبرې کړې دي.
د «له پولیو څخه پاک افغانستان» بنسټ د پکتیکا د ټولو ولسوالیو لپاره د پولیو د واکسین د کمپاین د پیل خبر ورکړی دی.
يو شمېر مېرمنې په زابل ولايت کې وايي، له هغه وروسته چې بهرنۍ مرستې بندې سوې، د روغتيايي خدمتونو لاسرسی، په ځانګړي ډول د مېرمنو، مور او ماشوم د روغتيا په برخه کې، په شدّت سره راکم سوی او ژوند يې له جدي خطر سره مخ دی.
د طالبانو د عامې روغتیا وزارت اعلان کړی چې د افغانستان په پلازمېنه کابل کې یې د لومړي ځل لپاره د «DNA» ازموینو مرکز پرانیستی دی.
د «له پولیو څخه د پاک افغانستان بنسټ» اعلان کړی چې د ماشومانو د فلج ناروغۍ (پولیو) د زرقی او خوراکي واکسین کمپاین له نن، شنبه د میزان په ۵مه، د ننګرهار په ۱۷ او د نورستان په ۴ ولسوالیو کې پيل سوی دی.
