د معمار پرس د خبر له مخې؛ د ملګرو ملتونو د ماشومانو صندوق (یونیسف) اعلان وکړ چې په غزه کې هره ورځ په اوسط ډول ۲۸ ماشومان د بمبارۍ، لوږې، خوارځواکۍ او د اړینو خدماتو نشتوالي له امله مري.
نړیوال سازمان ټینګار وکړ چې د غزې ماشومان خواړه، اوبه، درمل، ساتنې او تر ټولو مهم، سمدستي اوربند ته اړتیا لري.
په غزه کې د فلسطیني ادارې د رسنیو دفتر راپور ورکړ چې په تیرو ۲۱ میاشتو کې، په غزه کې له ۱۷۰۰۰ څخه ډیر ماشومان شهیدان شوي او ۳۳۰۰۰ نور ټپیان شوي دي.
