د معمار وحدت د خبری آژانس د خبر له مخې؛ یونیسف تېره شپه (د میزان ۱۶) په خپل ټویټر کې لیکلي چې د افغان ښځو او نجونو رول د افغانستان د راتلونکي لپاره حیاتي دی.
لکه څنګه چې د نجونو نړیواله ورځ نږدې کیږي دغه سازمان د افغانستان او نړۍ له ټولو خلکو غوښتي چې دغه سازمان تعقیب کړي او دا خبره تکرار کړي چې “هره نجلۍ د زده کړې حق لري”.
ملګرو ملتونو د اکتوبر ۱۱مه د نجونو د نړیوالې ورځې په توګه نومولې چې د جنسیتي برابرۍ په اړه د پوهاوي د کچې لوړولو او د نجونو پر حقونو ټینګار کوي.
