د معمار خبري آژانس د راپور له مخې، د ملګرو ملتونو د استازولۍ دفتر (یوناما) د ملګرو ملتونو د جوړېدو د اتیایمې کلیزې په مناسبت په یوه اعلامیه کې د افغانستان د ښځو او انجونو د وضعیت په اړه اندېښنه څرګنده کړې ده.
یوناما ویلي چې د طالبانو لهخوا لګېدلي بندیزونه په زدهکړو، کار او ټولنیز ګډون کې ورځ تر بلې زیاتېږي، چې دا به د افغان ښځو بنسټیز حقونه او د هېواد راتلونکی له جدي ګواښ سره مخ کړي.
په اعلامیه کې ویل سوي چې ملګري ملتونه د بشري حقونو، په ځانګړي ډول د ښځو او انجونو د حقونو د ملاتړ ژمن دي او له اوسني واکمن نظام څخه غواړي چې د بشري حقونو له بنسټیزو اصولو سره سم عمل وکړي.
یادې اندېښنې په داسې حال کې څرګندې سوې دي چې طالبانو له واک ته رسېدو راهیسې د ښځو پر ټولنیز او تعلیمي حضور پراخ محدودیتونه لګولي او تراوسه یې د ښوونځیو او پوهنتونونو د بېرته پرانیستو په اړه کورنیو او نړیوالو غوښتنو ته مثبت ځواب نهدی ورکړی.
