د معمار خبری آژانس د راپور له مخې؛ د ملګرو ملتونو سرمنشي انتونیو ګوتریش، نړیوالو تحولاتو او بی ثباتۍ ته په اشارې سره خبرداری ورکړی چې نړۍ د بېساري بحران په منځ کې ده او د دې ګډوډۍ مهار یوازې د پراخې او شبکېمحورې همکارۍ له لارې ممکن دی. سرمنشي د شنبې په ماښام، ۲۹ نومبر، په خپل ایکسپاڼه لیکلي چې نننی نړۍ په چټکو بدلېدونکو ټکنالوژیو، د اقلیم په سختېدو او د نابرابریو په ډېرېدو اخته ده.
د هغه په وینا، هممهاله له دې سره، نړیوال ځواکونه د بدلون او نړیوال نظم په یو نامعلوم حالت کې دی. هغه ویلي چې دا ټول عوامل نړۍ د «څو قطبي کېدو» پر لور بیايي؛ یو بهیر چې که د پراخې همکارۍ لپاره ګډ میکانیزم ورسره نه وي، ستونزې به لا زیاتې او پېچلې کړي. سرمنشي ټینګار کړی: «د نننیو ستونزو حل یوازې د ټولشموله او شبکېمحوره څو اړخیزیتوب له لارې ممکن دی؛ داسې تګلاره چې حکومتونه، نړیوال سازمانونه، خصوصي سکتور او مدني ټولنه په ګډو هڅو سره یوځای کوي.» ګوټریش تر دې وړاندې هم خبرداری ورکړی وو چې نړیواله بېهمغږي، په ځانګړي ډول د ټکنالوژۍ او اقلیم په برخو کې، کولای سي په راتلونکو کلونو کې پراخې بېثباتۍ او ژور بحرانونه رامنځته کړي.
