ګوتریش: د فلسطین وضعیت هره ګړۍ خرابیږي

د معمار پرس د خبر له مخې؛ د ملګرو ملتونو امنیت شورا د سه شنبې د میزان ۳مه په ورځ د فلسطین په اړه غونډه وکړه. د ملګرو ملتونو سرمنشي انتونیو ګوترش په دې غونډه کې وویل چې د فلسطین وضعیت هره ګړۍ د خرابېدو په حال کې دی. ګوتریش وویل، د حماس عملیات د اکتوبر په اوومه د صهیونیسټ رژیم د ۵۶ کلن اشغال له امله ترسره شول. هغه همدارنګه هغو ساحو ته د پاملرنې غوښتنه وکړه چې د دې عملیاتو د رامنځته کېدو لامل شوي دي. صهيونيسټ رژيم د حماس د عملياتو په ځواب کښې د غزې په تړانګه کښې په پرله پسې توګه بمباري کړې ده. ګوتریش وویل چې دا بریدونه یو قتل عام دی او هیڅ شی دا کار توجیه کولای نه شي.