ملګري ملتونه وايي، په افغانستان کې د ښځو او نجونو حقونه د ټولو اندېښنو محور دی او دا موضوع به د ملګرو ملتونو د عمومي اسامبلې د اجنډا په سر کې وي، چې ټاکل شوې راتلونکې اوونۍ پیل شي.
ګوتریش له خبریالانو سره په خپل خبري کنفرانس کې وویل چې په افغانستان کې د ښځو او نجونو حقونه “د ټولو اندیښنو محور دی” او دا مسله به “یو له هغو مسلو څخه وي چې د اجنډا په سر کې وي.”
هغه زیاته کړه، چې د ملګرو ملتونو د بشري حقونو شورا هم په خپلو دوو غونډو کې په افغانستان کې د بشري حقونو او د ښځو د حقونو پر وضعیت خبرې کړې دي.
