د معمار خبری آژانس د راپور له مخې، آنتونیو ګوترش د مرستې رسونې په فعالیتونو کې د ښځو د ګډون د مخنیوي په تړاو د طالبانو اقدامات په سختۍ سره وغندل او هغه یې «نه یوازې نه زغمونکی، بلکې بېعقلانه» وباله.
ګوترش په خپلو تازه څرګندونو کې وویل، په بشري مرستو کې د ښځو کار منع کول، په ځانګړې توګه په هغو ولایتونو کې لکه کنړ، نه یوازې د ښځو اساسي حقوق تر پښو لاندې کوي، بلکې د اړتیا لرونکو خلکو ته د مرستې رسولو بهیر د جدي خنډونو سره مخامخ کړی دی.
هغه د وروستیو پېښو په اشاره ټینګار وکړ چې ښځې د زیانمنو کورنیو لپاره د لومړنیو خدماتو رسولو کې مهم رول لري، او له دې بهیر څخه یې لرې کول به د زیانمنو ټولنو پر حالاتو نه جبرانیدونکی اغېز ولري.
ملګري ملتونو هم مخکې د سنبلې ۲۰ تاریخ کې اعلان کړی و چې د طالبانو ځواکونو د زلزلهځپلو سیمو کې د ښځینه مرستندویانو فعالیتونه محدود کړي دي. د ملګرو ملتونو په وینا، دغه اقدام اړتیا لرونکو ته د مرستې رسولو بهیر، په ځانګړې توګه د ښځو او ماشومانو لپاره، سخت کړی دی.
