د معمار پرس د خبر له مخې؛ کرملین د یکشنبې په ورځ اعلان وکړ چې د امریکا د ولسمشر ډونالډ ټرمپ له ټیم سره خبرې اترې ښې پرمخ روانې دي.
خو د کرملین ویاند ټینګار وکړ چې د بایډن د ولسمشرۍ پرمهال د دواړو هېوادونو ترمنځ اړیکو ته د زیان له امله، له دې خبرو اترو څخه د سمدستي پایلو تمه نشي کېدای.
وروسته له هغه چې د ټرمپ ځانګړي استازي سټیف ویټکاف د روسیې له ولسمشر ولادیمیر پوتین سره ولیدل، ټرمپ د شنبې په ورځ په خپلو څرګندونو کې وویل چې په اوکراین کې د جګړې د پای ته رسولو لپاره خبرې اترې “ښه روانې دي،” خو په یوه ټاکلي وخت کې “موږ باید یا عمل وکړو یا چوپ پاتې شو.”
د کرملین ویاند دیمیتري پیسکوف په دوام وویل، “هر څه ښه پرمخ ځي،” خو په ورته وخت کې یې د بایډن د ولسمشرۍ پرمهال دوه اړخیزو اړیکو ته رسیدلي زیان ته اشاره وکړه او زیاته یې کړه، “د دې خبرو اترو څخه د سمدستي پایلو تمه کول غیر معقول دي.”
