د معمار وحدت د خبری آژانس د خبر له مخې؛ د سانا اژانس د خبر له مخې، د چين د بهرنيو چارو وزارت وياند ژاو لي جيان په يوه وينا کې وويل: په سوريه کې د امريکا پرله پسې مداخلې په تېره بيا په سوريه کې پوځي مداخلې د دغه هېواد خلکو او اقتصاد ته ستر زيانونه اړولي دي. په میلیونونو خلک یې بې ځایه کړي دي.
هغه وویل: امریکا د سوریې پرضد سخت اقتصادی جبری اقدامات ترسره کړی دی او دغه اقدام ددغه هیواد خلک د ژوند له لومړنیو ضرورتونو څخه بې برخې کړی دی او د دغه هیواد د اقتصادی پراختیا او بیارغاونې خنډ ګرځیدلی دی.
لیجیان زیاته کړه: نن ورځ هم د امریکا پوځ د سوریې په تیلو، طبیعی ګازو او نورو زیرمو او د تیلو ساحو قبضه کري ده او دغه راز یې د دغه هیواد له اتیا فیصده زیات تیل لوټ کړی، د غنمو زیرمې یې سوځولې او ځینې یې غلا کړی دی.
د چین د بهرنیو چارو د وزارت ویاند پر دې ټینګار وکړ چې واشنګټن باید په سوریه کې خپل شتون او غیر قانوني پوځي عملیات پای ته ورسوي، یو اړخیز اقدامات دې لغوه کړي، د نفتو او غلې دانې غلا بنده کړي او د سوریې د خلکو زېرمې دې بېرته دوی ته ورکړي.
