په کنړ کې د طالبانو او پاکستاني سرحدي ځواکونو ترمنځ وسله واله نښته

د معمار خبری آژانس د راپور له مخې، د پنجشنبې په ورځ د کنړ ولایت د ناري ولسوالۍ په سرحدي نقطه کې د طالبانو جنګیالیو او پاکستاني سرحدي ځواکونو جګړه وکړه. د پاکستان رسمي سرچینو ویلي چې دې نښتې تر یوه ساعت کمه موده دوام وکړ. ځايي شاهدانو ویلي، په دې نښته کې دواړو لوریو د سپکو او درنو وسلو څخه کار اخیستی دی. د نښتې د پیل اصلي علت تر اوسه څرګند سوی نه دی، خو ورته شخړې اکثره د سرحدي پوسته‌جاتو د جوړولو یا بیا رغونې پر سر رامنځته کېږي. تر دې دمه لا هم نه ده روښانه سوې چې لومړی ډزې چا پیل کړې.