د معمار پرس د خبر له مخې؛ د طالبانو د ښاري پراختیا او کور جوړونې وزارت د سروې او GIS مشر محمد یوسف لطیف اعلان وکړ چې د وزارت تخنیکي ټیم د کابل په ارغندي عليا سیمه کې د ۱۳۰۰ جریبه ځمکې د توپوګرافیک سروې پیل کړې ده.
سرچینې زیاته کړه چې د دې پروژې هدف د هغو کډوالو لپاره د ښارګوټي جوړول دي چې له ډیرو کلونو وروسته هیواد ته راستانه شوي دي.
د لطیف په وینا، دا سروې د پرمختللو تجهیزاتو او د GIS متخصصینو لخوا ترسره شوې ترڅو ډاډ ترلاسه شي چې د ښار ډیزاین عصري تخنیکي معیارونو سره سمون لري.
