د معمار پرس د خبر له مخې؛ د پنجشیر ولایت د طالبانو د حکومت والي ویاند سیف الدین لتون په دغه ولایت کې د انسانانو او څارویو په ګډون د ژوندیو موجوداتو د انځورونو په خپرولو بشپړ بندیز اعلان کړ.
د لټون په وینا، د پنجشیر والي دا اعلان د دوشنبې په ورځ (د ثور په ۱۵مه) د امر بالمعروف او د نهي عنالمنکر د قانون په اړه د توضیحي پروګرام په جریان کې وکړ، او ټینګار یې وکړ چې له دې وروسته به هیچا ته اجازه ورنکړل شي چې په ولایت کې د ژوندیو موجوداتو انځورونه خپاره کړي.
دا محدودیت په پنجشیر کې پلي کیږي، پداسې حال کې چې د افغانستان نور ولایتونه پخوا د دې ډول مقرراتو پلي کیدو شاهدان وو.
تېره اونۍ، په فاریاب او دایکندي ولایتونو کې سیمه ییزو چارواکو د ژوندیو موجوداتو د انځورونو خپرول هم منع کړل.
