د معمار پرس د خبر له مخې؛ په یوه لیلام کې چې د پنجشیر د طالبانو والي محمد آغا حکیم او ملي او نړیوالو سوداګرو پکې ګډون کړی و، ۴۷۷۶ قیراط زمرد وپلورل شول. دا مراسم د کانونو د کمیټې تر څارنې لاندې ترسره شول او د ۴۶۸،۶۰۰ ډالرو په ارزښت وو.
حکیم وویل چې پنجشیر ولایت د سیمه ایز اقتصاد د بیا راژوندي کولو او ژمنو پانګوالو د راجلبولو لپاره کار کوي. هغه د خلکو د هوساینې لپاره د طبیعي سرچینو په شفاف او تخنیکي کارونې ټینګار وکړ.
د پنجشیر والي زیاته کړه چې د قیمتي ډبرو استخراج او پلور به د کانونو وزارت سره په همغږۍ کې په معیاري ډول دوام ومومي. هغه د طالبانو له واکمنۍ وروسته د کانونو د منظمو پروژو د پیل اعلان وکړ.
