د معمار پرس د خبر له مخې: د طالبانو د عامې روغتیا سرپرست وزیر نور جلال جلالي د افغانستان لپاره د روغتیا د نړیوال سازمان له مشرې ایډون سینیزا سلاودر او د یونیسف د دفتر له مشر تاج الدین اویلا او د مهاجرت د نړیوال سازمان له مسوولینو سره وکتل. د طالبانو د روغتیا وزارت د خبرپاڼې له مخې، په دې کتنه کې دواړو لورو په هېواد کې د مانکی پاکس د مخنیوي او کنټرول لپاره د لازمو اقداماتو په اړه خبرې وکړې. نوموړي په دې برخه کې د يادو بنسټونو همکاري هم ضروري وګڼله او له خپلو استازو يې وغوښتل چې په دې برخه کې له عامې روغتيا وزارت سره خپلو همکاريو ته دوام ورکړي. تر دې مخکې د طالبانو د عامې روغتیا وزارت په هېواد کې د ساري ناروغیو د خپرېدو د مخنیوي لپاره د تدابیرو د نیولو اعلان کړی و.
لینک کوتاه: https://memar.press/?p=10216
۲ میاشتی پیش
شماره خبر 10216
منتشر شده در ۱۵:۴۶ - سنبله ۱, ۱۴۰۳
Facebook
Twitter
WhatsApp
Telegram
Email
