د معمار پرس د خبر له مخې؛ دا پروژې د انرژۍ د ځان بسیاینې، په وارداتي برېښنا د تکیه کمولو او په افغانستان کې د دوامداره زیربناوو د پراختیا په لور یو مهم ګام ګڼل کیږي.
د طالبانو د اقتصادي چارو مرستیال، د لومړي وزیر دفتر اعلان وکړ چې ملا برادر د دې پروژو د پرانیستې په مراسمو کې وویل: “دا پروژې د هیواد د انرژۍ سکتور د پراختیا، عصري کولو او ځان بسیاینې په لاره کې یوه مهمه لاسته راوړنه ده.
دا پروژې نه یوازې په وارداتي برېښنا تکیه کموي، بلکې د چاپیریال ساتنې، دوامداره انرژۍ ته وده ورکولو او د نویو ټیکنالوژیو کارولو لپاره فرصتونه هم برابروي.”
