د معمار پرس د خبر له مخې؛ د جمعې په ماښام د جرمني په هامبورګ کې د اورګاډي په یوه تم ځای کې د چاړه برید وشو چې لږترلږه ۱۲ کسان یې ټپیان کړل.
د هامبورګ سیمه ییزو پولیسو تایید کړې چې د پیښې شکمن کس نیول شوی او د برید د انګېزې د روښانه کولو لپاره پلټنې روانې دي.
د جرمني ورځپاڼې بیلډ په وینا، د ټپیانو له ډلې څخه د دریو تنو حالت نازک دی، درې نور یې سخت ټپیان دي، او شپږ یې سطحي ټپونه لري.
د هامبورګ پولیسو په خپل رسمي X ټولنیزو رسنیو پاڼه کې اعلان وکړ چې یو کس چې په چاړه سره و په سټیشن کې په څو کسانو برید وکړ او شکمن اوس په توقیف کې دی.
د دې عمل لامل او انګیزه لا تر اوسه نه ده مشخص شوې.
