د معمار پرس د خبر له مخې؛ د دغه پروژې د پرانیستې په مراسمو کې د جلال آباد ښاروالۍ مرستیال مولوي مومن حمید د دغه پروژې په پیل خوښي وښوده او زیاته یې کړه، چې اوس له ولس څخه راټولېدونکي عواید په شفاف ډول بېرته همدغه ولسونو ته په بېلابېلو برخو کې په مصرف رسېږي، چې دا پروژه یې ښه بېلګه ده.
ورته مهال د دغه ولایت د سکتوري چارو رئیس مولوي انجنیر عبیدالله شیرزاد وویل، چې په دغه پروژه باندې ٩.٩ میلیونه افغانۍ لګښت راځي، چې ټول د ښاروالۍ له داخلي عوایدو ورکول کېږي.
نوموړي زیاته کړه، چې د دغه پروژې چارې به د ٦ میاشتو په موده کې بشپړې شي.
