د معمار پرس د خبر له مخې؛ د عمان په کوربه توب د ایران او امریکا ترمنځ غیر مستقیمې خبرې اترې به نن (شنبه، د حمل ۲۳مه) په مسقط کې پیل شي.
د راپورونو له مخې، د ایران د بهرنیو چارو وزیر سید عباس عراقچي او د ایراني پلاوي مشر نن سهار عمان ته روان شول، او د راپورونو له مخې د هغوي الوتکه په مسقط کې ښکته شوه.
په ورته وخت کې، د منځني ختیځ لپاره د ډونالډ ټرمپ ځانګړی استازی او د امریکايي پلاوي مشر سټیف ویټکاف د ایراني پلاوي سره د خبرو اترو لپاره د عمان پلازمینې مسقط ته رسیدلی دی.
د ایران او امریکا ترمنځ غیر مستقیمې خبرې اترې، چې ټاکل شوې ده نن مازدیګر، د ۲۰۲۵ کال د اپریل په ۱۲مه، د عمان په پلازمېنه مسقط کې ترسره شي، په وروستیو کلونو کې د دواړو هېوادونو ترمنځ یو له خورا حساسو ډیپلوماتیکو شیبو څخه دی.
