په تېرو لسو ورځو کې له پاکستانه تر ۸۵۰۰ ډېر افغان کډوال شړل شوي دي

د معمار پرس د خبر له مخې؛ پاکستاني رسنیو (سما تلویزیون) راپور ورکړی چې په تیرو لسو ورځو کې (د اپریل له ۳ څخه تر ۱۳ پورې) لږترلږه ۸,۵۸۱ افغان کډوال له پاکستان څخه ایستل شوي دي. سما ټلویزیون (د حمل ۲۶مه) راپور ورکړی، چې له پاکستانه تازه ایستل شوي افغان کډوال ۳۱۲۷ نارینه، ۱۹۷۲ ښځې او ۳۴۸۲ ماشومان دي. د دغه راپور له مخې په شړل شویو کډوالو کې ۳۱۰ کورنۍ هم شاملې دي چې له ۲۸۷ موټرو څخه افغانستان ته راستانه شوي دي. د وړاندوینو پر بنسټ په دې پړاو کې به لږ تر لږه ۴۰۰ زره افغان کډوال له پاکستانه وایستل شي.