په تهران کې د بهرنیانو لپاره د خدماتو په بیو کې ۵۴٪ زیاتوالی راغلی

د معمار پرس د خبر له مخې؛ د تهران د اسلامي ښار شورا په وروستۍ غونډه کې، د ۱۴۰۴ کال لپاره بهرنیو اتباعو او مهاجرینو ته د وړاندې کېدونکو خدماتو د نرخونو پلان د رایو په اکثریت سره تصویب شو. د دې پریکړې پر بنسټ، د کډوالو لپاره د خدماتو لګښتونه به ۵۴ سلنه زیات شي، او د تهران ښاروالۍ اړ ده چې د استوګنې کارتونو او د کار جوازونو د صادرولو یا نوي کولو پر مهال دا پیسې راټولې کړي. همدارنګه، د عوایدو ۵۰ سلنه به د تهران ولایتي حکومت ته ورکړل شي ترڅو د کډوالو لنډمهاله اړتیاوې پوره کړي. د یادونې وړ ده چې دا پلان د کورنیو چارو وزارت د خدماتو نرخونو پر بنسټ چمتو او تصویب شوی دی.