د معمار پرس د خبر له مخې؛ په تهران کې د افغانستان د سرپرست حکومت سفارت، د ایران د اسلامي جمهوریت د کورنیو چارو وزارت د بهرنیو اتباعو او کډوالو د څانګې سره په همغږۍ، د سرطان په ۱۸مه، د چهارشنبې په ورځ، افغانستان ته د کډوالو د راستنیدو او په ایران کې د دوی د پاتې کیدو د مودې د غځولو په اړه یوه اعلامیه خپره کړه.
په اعلامیه کې ویل شوي چې هغه کډوال چې د سرشمیرنې فورمې، پاسپورټونه یا تذکرې په څیر معتبر اسناد لري او غواړي خپل هیواد ته راستانه شي، د سفارت څخه د معرفي لیک ترلاسه کولو ته اړتیا نلري.
دا اشخاص کولای شي په مستقیم ډول د راستنیدو کمپونو یا د کفالت دفترونو ته لاړ شي ترڅو افغانستان ته خپل راستنیدل اسانه کړي.
