په افغانستان کې د لمریزې برېښنا په تولید کې پانګونه

د معمار پرس د خبر له مخې؛ د طالبانو د انرجۍ او اوبو وزارت اعلان وکړ چې درې کورنیو او بهرنیو شرکتونو په افغانستان کې د لمریزې برېښنا تولید سکتور کې پانګونې ته چمتووالی ښودلی دی. د طالبانو تر کنټرول لاندې باختر خبري اژانس د راپور له مخې، دوه ایراني شرکتونه او یو کورني شرکت په دې برخه کې پانګونې ته لېوالتیا لري. د طالبانو د انرجۍ او اوبو وزارت مرستیال عبدالهادي یعقوب د دغو شرکتونو له استازو سره په یوه غونډه کې ټینګار وکړ چې طالبان په هیواد کې د نوي کیدونکي انرجۍ پراختیا ته ژمن دي. هغه دا هم وویل چې طالبان به چمتو وي چې د هرې ادارې یا شرکت سره چې غواړي په دې برخه کې پانګونه وکړي، د پلي کولو په پروسه کې همکاري او اسانتیاوې برابرې کړي.