د امریکا د دفاع وزیر پیټ هیګسټ په پنټاګون کې د یوې ځانګړې ډلې د جوړولو اعلان وکړ ترڅو له افغانستان څخه د امریکایي ځواکونو د وتلو پروسه وڅېړي.
د معمار پرس د خبر له مخې؛ د امریکا دفاع وزیر پیټ هیګسټ د سې شنبې په ورځ اعلان وکړ چې پنټاګون له افغانستان څخه د امریکايي ځواکونو د وتلو د پروسې د ارزونې او بیاکتنې لپاره یوه ځانګړې ډله جوړه کړې ده.
د امریکا د دفاع وزیر په یوه بیان کې وویل چې د دې ځانګړې ډلې دنده د امریکا خلکو او د هیواد د پوځي ځواکونو لپاره د شفافیت او حساب ورکولو ډاډمن کول دي.
