د معمار پرس د خبر له مخې؛ د پاکستان د دفاع وزیر خواجه اصف د شنبې په ورځ د امریکا د ولسمشر ډونالډ ټرمپ د ادارې لخوا د پاکستاني اتباعو د امریکا متحده ایالاتو ته د سفر د بندیز احتمالي اقدام “نامناسب” وباله.
هغه له جیو نیوز سره په یوه مرکه کې وویل چې د پاکستان حکومت هڅه کوي چې د خپلو اتباعو د سفر محدودیتونه ودروي.
د پاکستان د دفاع وزیر په دوام وویل: “حکومت دا مسله راپورته کړې ده. دا مسله به د یوې اونۍ څخه تر لسو ورځو پورې حل شي.”
د راپورونو له مخې، د ټرمپ اداره د افغانستان او پاکستان په ګډون د ځینو هیوادونو پر اتباعو د سفر محدودیتونه لګولو په اړه غور کوي.
