د معمار خبری آژانس د راپور له مخې، عاصم افتخار احمد، د پاکستان استازي په ملګرو ملتونو کې، ویلي: «ډلې لکه داعش خراسان، پاکستانی طالبانو غورځنګ، د بلوچستان ازادۍ پوځ او د مجید ډلې، پرته له کوم ځوابویونکي مسؤلیت څخه د افغانستان له خاورې فعالیت کوي او له دغو وسلو څخه د پاکستان پر ملکیانو او امنیتي ځواکونو د برید لپاره استفاده کوي.»
هغه زیاته کړه چې دا ډلې نه یوازې له افغان خاورې فعالیت کوي، بلکې د سیمهییزو بېثباته کوونکو لوبغاړو له لوري مالي ملاتړ هم ترلاسه کوي.
د ده په وینا، د دې وضعیت له امله په پاکستان کې زرګونه بېګناه خلک وژل سوي دي. عاصم افتخار د ملګرو ملتونو د سرمنشي په وروستي راپور استناد وکړ او ویې ویل چې د وسلو د زېرمو شتون په افغانستان کې یو جدي امنیتي اندېښنه ده او نړیواله ټولنه باید سمدستي دې موضوع ته پاملرنه وکړي. دغه څرګندونې په داسې وخت کې مطرح کېږي چې د طالبانو او پاکستان اړیکې د پولې د نښتو او د وسلوالو ډلو د زیاتېدو له امله ترینګلې سوې دي.
